Şəhidin anım günü qeyd olunub
Şəhid Ruslan Rəhimovun anım gününə həsr olunmuş "Sizdən bizə əmanətdir bu Vətən" adlı tədbir keçirildi. Şəhidin adını daşıyan 6A sinif şagirdləri və sinif rəhbəri Sahibə Vəlizadənin təşkilatçılığı ilə araya-ərsəyə gətirilən tədbirdə şəhidin ömür yolunu əks etdirən məlumat dinlənildi, vətənpərvərlik ruhunda mahnılar oxundu, şeirlər söylənildi.
Tədbirin sonunda məktəbin direktoru Xatirə Hacıyeva çıxış etdi.
Daha sonra məktəbin "Hər şəhidin şərəfinə bir ağac əkək" aksiyasına uyğun olaraq Ruslan Rəhimovun şərəfinə ağac əkildi. Aksiyada məktəb rəhbərliyi, valideynlər, müəllim və şagird kollektivi iştirak etdi.
