Yay məktəbinin yekununda festival təşkil olundu
Azərbaycan Respublikası Təhsil Nazirliyinin 10.06.2022-ci il tarixli F-331 nömrəli əmrinin icrasını təmin etmək məqsədi ilə Bakı Şəhəri üzrə Təhsil İdarəsinin 13.06.2022-ci il tarixli F-219 nömrəli əmrinə əsasən 298 nömrəli tam orta məktəbdə könüllülük prinsipi əsasında Yay məktəbi çərçivəsində dərslərə 16.06.2022-ci il tarixdən start verilib.
Ötən tədris ilinin sonunda olduğu kimi, bu il də Yay məktəbi proqramı hazırlanıb. İki həftə ərzində şagirdlərə həm əyləncəli, həm öyrədici, həm də stimullaşdırıcı fəaliyyətlərə köklənərək cədvəl qurulub.
YAY MƏKTƏBİNİN sonuncu günü möhtəşəm festival təşkil olundu.
Şagirdlər, müəllimlər, valideyinlərin birlikdə əməkdaşlığı çərçivəsində baş tutan festivalda iki layihənin də təqdimatı oldu.
“Ailəm və məktəbim" və "Sağlam addımlar" layihələrinin fəaliyyətləri əsasında qurulan festival hər kəsin rəğbətinə səbəb oldu.
Festivalın sonunda məktəb rəhbərliyi həm valideynləri, həm də şagirdləri Fəxri Fərman və Diplomlarla təltif etdi.
