Yay məktəbi çərçivəsində Azərbaycan Respublikası Silahlı Qüvvələri gününə həsr olunmuş yürüş keçirildi
Azərbaycan Respublikası Təhsil Nazirliyinin 10.06.2022-ci il tarixli F-331 nömrəli əmrinin icrasını təmin etmək məqsədi ilə Bakı Şəhəri üzrə Təhsil İdarəsinin 13.06.2022-ci il tarixli F-219 nömrəli əmrinə əsasən 298 nömrəli tam orta məktəbdə könüllülük prinsipi əsasında Yay məktəbi çərçivəsində dərslərə 16.06.2022-ci il tarixdən start verilib.
Ötən tədris ilinin sonunda olduğu kimi, bu il də Yay məktəbi proqramı hazırlanıb. İki həftə ərzində şagirdlərə həm əyləncəli, həm öyrədici, həm də stimullaşdırıcı fəaliyyətlərə köklənərək cədvəl qurulub.
25 iyun 202 -ci il tarixində Yay məktəbi çərçivəsində Azərbaycan Respublikası Silahlı Qüvvələri gününə həsr olunmuş yürüş keçirildi.
Belə ki, yay məktəbinin könüllü şagirdləri, müəllimlər məktəbdən öncə Biləcəri qəsəbəsində yerləşən 20 Yanvar şəhidlərinin xatirəsinə ucaldılmış abidəyə, oradan da Milli Qəhrəmanlar parkı 2014-cü ildə inşa edilmiş, 8 Milli Qəhrəmanın büstü ucaldılmış Milli Qəhrəmanlar parkına yürüş etdilər. Yol boyu mahnı sədaları altında yürüş edən uşaqları Biləcəri sakinləri də böyük coşqu ilə qarşıladı.
Mikrafonla səslənən bayram nitqinə hər kəs alqışlarla münasibət bildirirdi.
Sonda abidə önündə şagirdlər hazırladıqları kompozisiyanı təqdim etdilər .Məktəb direktorunun təbrik nitqindən sonra onlar həmin yolu məktəbə yenə parad şəklində qayıtdılar.
