"Daima zirvələrdə dalğalan , ey Bayrağım!"
08.11.2016-cı il tarixdə Binəqədi rayon İcra Hakimiyyəti, Yeni Azərbaycan Partiyası Binəqədi rayon təşkilatı və Binəqədi rayon Gənclər və İdman İdarəsinin birgə təşkilatçılığı ilə "9 Noyabr-Azərbaycan Respublikasının Dövlət Bayrağı günü "-nə həsr edilmiş "Daima zirvələrdə dalğalan , ey Bayrağım!" mövzusunda bədii qiraət,inşa və rəsm müsabiqələri keçirilmişdir. Müsabiqələrdə Bakı şəhəri Binəqədi rayonu İ.Məmmədov adına 298 №-li tam orta məktəbin şagirdləri də iştirak etmiş və yüksək nəticələr göstərmişlər. Belə ki, məktəbin 7A sinif şagirdi Osmanlı Leyla Ramiz Qusarçaylının müəllifi olduğu "Azərbaycan bayrağı" şeirinin bədii qiraətinə görə I yeri qazanmış, diplom, qiymətli hədiyyə və pul mükafatı ilə təltif olunmuşdur. Diplomu ona Azərbaycanın fəxri, sözün həqiqi mənasında bayrağın qoruyucusu və daşıyıcısı Ramil Səfərov təqdim etmişdir.Digər şagirdlərimiz inşa müsabiqəsində II yerin sahibi Aysel Şirəliyeva və rəsm müsabiqəsində I yerin sahibi Xanlar Nəcəfzadə olmuşdur. Şagirdlərimizə yeni uğurlar arzulayırıq...
