20 Yanvar faciəsinin otuzIkinci ildönümünə həsr olunmuş "Qərənfildən Xarıbülbülə gedən yol" adlı tədbir keçirilib
19 yanvar 2022-ci il tarixində məktəbin fəaliyyət planına uyğun olaraq 20 Yanvar faciəsinin otuzikinci ildönümünə həsr olunmuş "Qərənfildən Xarıbülbülə gedən yol" adlı tədbir keçirildi.
Tədbir iştirakçıları ilk öncə məktəbin adını daşıdığı şəhid İlqar Məmmədovun büstü önünə tər qərənfillər düzdülər.
Tədbir Azərbaycan Respublikasının Dövlət Himni ilə açıldı, şəhidlərin ruhu bir dəqiqəlik sükutla yad edildi.
Müəllimlər, şagirdlər, valideyinlər iştirak edən tədbirdə məktəbin direktoru Xatirə Hacıyeva çıxış edərək xalqın keçdiyi azadlıq yolundan, 20 Yanvar hadisələrinə siyasi-hüquqi qiymət verilməsindən və müstəqilliyimizə qovuşmağımızdan, mübarizə tariximizdə 20 Yanvarın rolundan danışdı.20 yanvar hadisələrinin təcəssümü ilə başlayan tədbir Xarıbülbülün əsrarəngiz qələbəsinə bağlanaraq sona çatdı.
Tədbirdə şagirdlər şeirlər səsləndirdilər, vətənpərvərlik mövzusunda ədəbi-bədii kompozisiya təqdim etdilər.
