"Zəfər yolumuz" mövzusunda intellektual yarış
06.11.2021-ci il tarixdə məktəbimizdə tarix müəllimi Məlahət Əliyevanın aparıcılığı ilə "Zəfər yolumuz" mövzusunda intellektual yarış təşkil olundu. Yarışda 4 komanda 2 turda mübarizə aparırdı.Komandaların tərkibi "Kiçik Akademiya", "Gənc tarixçilər" dərnəyinin üzvlərindən və eləcə də "Zəfər tarixi" tədris olunan IX sinif şagirdlərindən ibarət idi. Yarışda istifadə olunan suallar tarix və coğrafiya fənlərini əhatə edirdi.1-ci mərhələdə "Dəmir yumruq", "Xarıbülbül", "Boz qurd", "Zəfər" komandası mübarizə apardı. 2-ci tura "Zəfər" və "Xarıbülbül" komandaları vəsiqə aldı. Yarışın ən maraqlı məqamı ondan ibarət oldu ki, "Zəfər" komandası yarışı qalib kimi bitirdi. Oyunun hər bir iştirakçısı xatirə hədiyyəsi əldə etdi.
"Zəfər" komandasının üzvləri qalib hədiyyəsi və diplomlarla təltif olundu.
