Şəhid məzunun ad günü qeyd edilib
8 iyun məktəbin məzun şəhidlərindən Elvin Bayramovun ad günüdür.Şəhidin ad gününün qeyd edilməsi, onun əziz xatirəsinə olan vətəndaşlıq borcunun ödənilməsi məqsədi ilə ilk öncə 7 iyun tarixində məzarı ziyarət olunub, qəbri üzərinə tər qərənfillər qoyulub, ruhuna dualar oxunub.
8 iyun 2021-ci il tarixində isə virtual məktəb platformasında ad günü qeyd edilib.
Tədbirdə məktəb kollektivi, şəhidin ailə üzvləri, sinif yoldaşları, universitet müəllimləri iştirak edib.
Tədbir Azərbaycan Respublikasının Dövlət himni ilə açılıb.Daha sonra Elvinin sinif rəhbəri Elnurə Məmmədova, fənn müəllimləri Aytən Qurbanova, Şəfəq Sarıyeva, bacısı Bahar Bayramova çıxış edərək şəhidlə bağlı xatirələrini bölüşüblər.
Tədbirdə məktəbin 7, 6 və 8-ci sinif şagirdləri şəhidlərə həsr olunmuş şeirlər söyləyib, vətənpərvərlik mövzusunda mahnılar oxuyublar.
Sonda şəhidə həsr olunmuş videorolik təqdim olunub.
