"Yay məktəbi"nin fəaliyyəti davam edir
16 iyun 202-ci il tarixindən məktəbimizdə "Yay məktəbi" fəaliyyətə başlayıb. Şagirdlər məşğələlərə böyük maraqla gəlirlər.
Yay məktəbinin hər günü əvvəlcədən tərtib olunmuş proqram və təsdiq olunmuş cədvəl əsasında keçirilir.
25.06.2021-ci il tarixdə məktəbimizin informatika müəllimi Məcidova Sevinc 5- ci və 6- cı siniflər arasında intellektual yarışma keçirdi. Yarış 4 komanda - "Qarabağ", "Zəfər"," Xarı bülbül", "Cıdır düzü" komandaları arasında keçirildi. Yarışın ilk turunda "Zəfər" və "Cıdır düzü" komandaları yarışdı. Komandalar verilən sualları bir dəqiqə ərzində müzakirə etdikdən sonra kapitanlar doğru cavabları səsləndirdilər. Birinci turun qalibi "Zəfər " komandası oldu. Yarışın 2-ci turu "Qarabağ " və "Xarıbülbül " komandaları arasında keçirildi. Bu dəfə isə daha çox doğru cavabla "Qarabağ " komandası qalib gəldi. Sonuncu turda qalib komandalar yarışdı. Gərgin mübarizənin ardından yarışın qalibi " Qarabağ " komandası oldu. Şagirdlər yarışın çox maraqlı olduğunu qeyd etdilər. Suallar şagirdlərin məntiqi düşüncəsini, təfəkkürünü inkişaf etdirmə prinsipi əsasında seçilmişdi.
Qeyd edək ki, “Yay məktəbi”nin təşkil edilməsində əsas məqsəd şagirdlərin zəruri bilik və bacarıqlarının möhkəmləndirilməsi, öyrənilənlərin ümumiləşdirilməsi və şagirdlərin hərtərəfli inkişafına əlavə töhfə verilməsindən ibarətdir.
