"Ana dilimizi sevək" adlı ədəbi bədii gecə keçirildi
31.05.2016-cı il tarixdə 298 N-li tam orta məktəbdə Azərbaycan dili və ədəbiyyat müəllimi Elnurə Məmmədovanın təşkilatçılığı ilə hazırlanmış "Ana dilimizi sevək" adlı ədəbi bədii gecə keçirildi.Tədbirdə məktəbin direktoru Şaiqə Hüseynova,direktor müavinləri Simuzər Heybətova, Xatirə Rəhimbəyli ,müəllimlərdən Gülşən İsmayılova,Sevinc Quliyeva ,Adilə Əkbərova və s. iştirak edirdilər .Gecədə şagirdlərin ifasında ana dilinə həsr olunmuş şeirlər söyləndi,mahnılar oxundu, tamaşalardan səhnəciklər göstərildi.Tədbirin keçirilməsində əsas məqsəd şagirdlərdə ana dilinin müqəddəsliyinə,əvəzolunmazlığına bir daha inam yaratmaq,dili qorumaq və sevmək duyğuları aşılamaq idi.Tədbiri yekun sözü ilə məktəbin direktoru Şaiqə Hüseynova bağlı elan etdi.
