Microsoft Teams platforması üzərindən Aprel döyüşlərinə həsr olunmuş onlayın tədbir keçirildi
Məktəbin fəaliyyət planına uyğun olaraq şagirdlərdə tarixi hadisələrə düzgün rəy vermək bacarığının formalaşdırılması,xalqımızın qəhrəmanlıq salnaməsinin təbliği,vətənpərvərlik duyğularının möhkəmləndirilməsi məqsədilə məktəbdə Aprel döyüşlərinə həsr olunmuş silsilə tədbirlər keçirilmişdir.
4 aprel 2021-ci il tarixində bu tədbirlərin yekunu olaraq məktəb kollektivinin iştirakı ilə Microsoft Teams platforması üzərindən "Aprel döyüşləri qələbəmizin təməlidir" mövzusunda onlayın konfrans keçirildi.
Azərbaycan Respublikasının Dövlət Himni ilə açılan konfransda məktəbin tarix müəllimləri Əliyeva Məlahət, Məmmədova Pərvanə, Heydərova Yegan, coğrafiya müəllimi Rzayev Tuqay döyüşlər barədə maraqlı məruzələr etdilər.Onlar "Aprel döyüşləri və onun başvermə səbəbləri", "Aprel döyüşlərinin gedişi", "Aprel döyüşlərini tarixi əhəmiyyəti", "Aprel döyüşləri - şəhidlərimiz və qazilərimiz" kimi mövzuları açıqladılar.
Tədbir zamanı döyuşlərə həsr olunmuş videoçarxlar nümayiş etdirildi,döyüş iştirakçılarının xatirələrindən fraqmentlər təqdim olundu.
Sonda məktəb rəhbərliyi də öz fikirlərini bölüşdü.
