Sinif təşkilat saatları 20 Yanvar faciəsinin 31-ci il dönümünə həsr olunub
20 Yanvar faciəsi qurbanlarının xatirəsinə həsr olunmuş silsilə onlayn tədbirlər davam edir.
Sinif təşkilat saatlarında Azərbaycan Dövlət Himni səsləndirilib,şəhidlərin əziz xatirəsi bir dəqiqəlik sükutla yad olunub,şagirdlərin 20 Yanvar faciəsi qurbanlarının xatirəsinə həsr etdikləri müxtəlif formalı təqdimatları dinlənilib,müzakirələr edilib,əl işləri,rəsmlər nümayiş olunub.Şagirdlər canını Vətənin azadlığı uğrunda qurban vermiş şəhidlərə həsr olunmuş şeirlər söyləyib,vətənpərvərlik musiqiləri səsləndiriblər.
Məktəblilər 20 Yanvar faciəsinin Azərbaycan tarixində və Rus imperiyasının parçalanmasında rolunu araşdırmış,başvermə səbəblərini müzakirə etmişlər.Sinif rəhbərləri əlavə məlumat verərək məktəblilərin mövzu haqqında düşüncələrini bir az da genişləndiriblər.
20 Yanvar faciəsi Vətən müharibəsinin başlanğıcı kimi xarakterizə olunaraq bütün şəhidlər qürurla,fəxrlə anılıb.
