Xocalı sağalmaz yaramız
O, gecənin mayası qanla yoğrulmuşdu. O, gecə baş verənləri adi sözlə ifadə etmək qeyri-mümkündür.O, gecənin faciəsi elə ağır, elə amansız, elə ağlagəlməzdir ki, coşan hissləri, həyəcanları, vulkan kimi püskürən, ipə - sapa yatmayan sözləri iradəyə tabe etmək, cilovlamaq çətindir.Həmin gün Xocalı qan çanağına döndü. Boğdular, məhv etdilər, yerlə - yeksan etdilər, ən dəhşətli alovlarda yandırdılar Xocalını. Qarabağın xəyanətə qurban gedən ilk ocağı elə məhz Xocalı oldu.
