“Heydər Əliyev və Azərbaycan tarixi” mövzusunda referat yazı müsabiqəsi
Azərbaycan Respublikası Prezidentinin 2022-ci il 29 sentyabr tarixli Sərəncamına uyğun olaraq Azərbaycan Respublikasında 2023-cü il “Heydər Əliyev İli” elan edilmişdir.Bu məqsədlə Bakı Şəhəri İcra Hakimiyyətinin təşkilatçılığı ilə paytaxt rayonlarının orta məktəb şagirdləri arasında ənənəvi olaraq keçirilən “Heydər Əliyev və Azərbaycan tarixi” mövzusunda növbəti referat yazı müsabiqəsi keçirilir. Müsabiqənin keçirilməsində əsas məqsəd xalqımızın Ümummilli Lideri,böyük tarixi şəxsiyyət Heydər Əliyevin tariximizdə, həmçinin müasir Azərbaycanın formalaşmasındakı fəaliyyətinin şagirdlər tərəfindən daha dərindən öyrənilməsinə tövhə verməkdir. Məktəbimizi bu müsabiqədə 7b sinif şagirdi Mehtiyeva Sara təmsil edəcək.
