7-dən 17-yə vətənpərvər!
Bakı Şəhəri üzrə Təhsil İdarəsinin 22.09.2022-ci il tarixli F-300№-li əmri ilə təsdiq edilmiş “7-dən 17-yə vətənpərvər!” layihəsini əsas tutaraq, eləcə də tarix-coğrafiya aylığı çərçivəsində məktəbin coğrafiya müəllimi T.Mehdizadə 7a sinifində açıq dərs keçirdi. Açıq dərsdə məktəb rəhbərliyi və tarix müəllimləri iştirak etdi. Torpaqlarımızın azadlığı uğrunda gedən döyüşlərdə şəhid olan həmvətənlərimizin ruhu bir dəqiqəlik sükutla yad edildi. Azərbaycanın tarixi və coğrafiyası, mədəni abidələri, adət-ənənələri, tanınmış şəxsiyyətləri haqqında məlumatlar verildi, videorolik nümayiş olundu və şagirdlər azad olunan rayonlarımız haqda təqdimatlar hazırlayıb təqdim etdilər.
