Riyaziyyat gecəsi keçirildi
Riyaziyyat aylığı çərçivəsində yekun tədbir olaraq riyaziyyat gecəsi keçirildi. Tədbirdə Azərbaycan Respublikası Dövlət Himni səsləndi. Şəhidlərin ruhu bir dəqiqəlik sükutla yad edildi. Gecədə VIa sinif şagirdləri Nəsrəddin Tusinin və Lütfi Zadənin həyat və yaradıcılığı haqqında məruzə ilə çıxış etdilər. VIa, VIIc, VIIIb sinif şagirdlərinin ifasında məşhur alimlərin riyaziyyat haqqında kəlamları səsləndi. VIa sinif şagirdləri “Həndəsi qurultay” adlı məzəli tamaşanı səhnələşdirdilər və riyaziyyata aid şeirlər söylədilər. Tədbirin sonunda məktəbin direktoru Reyhan Ələkbərova tədbirdə fərqlənən şagirdlərə və müəllimlərə diplomlar təqdim etdi.
