Şagirdlərlə “Mənim ailəm” və “Münsterberq” testi aparıldı
24 yanvar 2022-ci il tarixində məktəbin 3a sinif şagirdləri ilə məktəbin psixoloqu Ülviyyə Rzayeva “Mənim ailəm” metodikasını apardı. Testin aparılmasında əsas məqsədlərdən biri ailədaxili münasibətlərin öyrənilməsidir. Eləcə də, şagirdlərin öz ailələrini qiymətləndirmək kimi bacarığını inkişaf etdirmək və mənfi-müsbət cəhətlərini müəyyənləşdirməkdir. Bu test vasitəsi ilə uşaqların ailədaxili yaşadıqları psixoloji problemləri aşkara çıxarmaq və lazımi psixoloji dəstəyi göstərmək mümkündür. Eyni zamanda, diqqətin seçiciliyini və konsentrasiyanı təyin etməyə yönəlmiş “Münsterberq” testi aparıldı.
