Şəhid Məhərrəmov Fəridin xatirəsi yad edildi
Məktəbimizin 4a sinfi şəhid Məhərrəmov Fərid Asif oğlunun adını daşıyır. Şəhid Məhərrəmov Fəridin xatirəsini yad etmək məqsədi ilə sinif müəllimi H.Axundova və 4a sinif şagirdləri tərəfindən tədbir keçirildi. Tədbirə şəhidin valideynləri Məhərrəmova Nəzakət və Məhərrəmov Asif eləcə də yaxın qohumları dəvət olunmuşdular.Tədbir Azərbaycan Dövlət Himninin səslənməsi ilə açıq elan olundu, şəhidlərin ruhu bir dəqiqəlik sükutla yad edildi. Şagirdlər vətənpərvərlik mövzusunda şeirlər söylədilər. Videotəqdimat nümayiş olundu və şəhidin anası oğlu Fərid haqqında xatirələrini bölüşdü. Tədbirin sonunda Nəzakət xanım və Asif bəyə sinif adından hazırlanmış şəkli və suvenir təqdim olundu.
