Şəhid Mayor Əsgərov Rüfət Mürvət oğlunun anım günü
Məktəbin 1a sinifi şəhid Mayor Əsgərov Rüfət Mürvət oğlunun adını daşıyır. Rüfət Əsgərov 1981-ci il avqustun 29-da anadan olub. Azərbaycan Ordusunun mayoru olan Rüfət Əsgərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Suqovuşanın azadlığı uğrunda döyüşlərdə, həmçinin Ağdərə şəhəri istiqamətində gedən döyüşlərdə savaşıb. Ermənistan Silahlı Quvvələrinin 24-dən çox hərbçisini məhv edib, həmçinin üç postun Azərbaycan Ordusunun nəzarəti altına alınmasında fərqlənib. Rüfət Əsgərov oktyabrın 14-də Ağdərə şəhəri istiqamətində şəhid olub. Anım günü münasibəti ilə 1a sinif şagirdləri tərəfindən şeirlər söylənildi və sinif güşəsi hazırlandı.
