9 May Qələbə Günü
08.05.2021-ci il tarixində məktəbin tarix müəllimi Orucov Anatoli, məktəb rəhbərliyi və IXa sinif şagirdlərinin iştirakı ilə “9 May Qələbə Günü” münasibətiylə onlayn “dəyirmi masa” keçirildi. “Dəyirmi masa”da Böyük Vətən müharibəsi illərində Azərbaycan xalqının mərd oğullarının həm ön, həm də arxa cəbhədə çox böyük qəhrəmanlıq və şücaət göstərdikləri bildirildi. Eləcə də İki dəfə Sovet İttifaqı Qəhrəmanı Həzi Aslanov, Sovet İttifaqı qəhrəmanları İsrafil Məmmədov, Aslan Vəzirov, Adil Quliyev,Ziya Bünyadov, Mehdi Hüseynzadə və bir çox başqaları haqda məlumat verildi. Azərbaycan xalqının və Azərbaycan neftinin qələbənin qazanılmağında müstəsna rolu olduğu bir daha vurğulandı.
