Heydər Əliyevin anadan olmasının 98-ci ildönümünə həsr olunmuş tədbir
Azərbaycan xalqının tarixində müstəsna xidmətləri olan tarixi şəxsiyyətlər, görkəmli siyasət və dövlət adamları çox olmuşdur. Belə tarixi şəxsiyyətlər içərisində Azərbaycan xalqının ümummilli lideri Heydər Əliyevin xüsusi rolu vardır. Xalqımızın siyasi və ictimai həyatında, dövlət quruculuğunda onun qədər misilsiz xidmətlər göstərən ikinci dövlət adamını tapmaq mümkün deyil. Bu mənada o, xalqımızın milli iftixarı, qürur duyduğumuz böyük şəxsiyyətidir. 08.05.2021-ci il tarixində məktəbin tarix müəllimi Bağırova İradə, müəllim kollektivi və 8a sinif şagirdlərinin iştirakı ilə Ulu Öndər Heydər Əliyevin anadan olmasının 98-ci ildönümünə həsr olunmuş onlayn tədbir keçirildi.
