Novruz bayramı uşaqların gözü ilə
Azərbaycan xalqı dünyada qədim tarixə, mədəniyyətə, etnoqrafiyaya malik olan xalqlardan biridir. Xalqımızın zəngin, qədim köklərə dayanan adət ənənələri, bayramları var. Milli-mənəvi dəyərlərimizi özündə əks etdirən Novruz bayramı da bu qəbildən olan bayramlardan biridir. Keçəl- kosanın sərgüzəştləri, xonça hazırlamaq, səməni göyərtmək, torba atmaq, yumurta boyamaq, tonqaldan tullanmaq nəsildən- nəsilə ötürülən bayram adət-ənənələrimizdəndir. Novruz bayramının əsas məqsədlərindən biri insanlar arasında yardımlaşmaq və bişirdikləri təamları bölüşməkdir. Uşaqların bayram sevinci çəkdikləri rəsmlərdə öz əksini tapmışdır.
