“Qan yaddaşımız” adlı onlayn tədbir keçirildi
Azərbaycan Respublikası təhsil nazirinin “20 Yanvar faciəsinin otuz birinci ildönümü ilə bağlı Təhsil Nazirliyinin Tədbirlər Planı” nın təsdiq edilməsi haqqında 14 yanvar 2021-ci il tarixli, F-05/01 nömrəli əmrinin icrasını təmin etmək məqsədi ilə 19 yanvar 2021-ci il tarixində Microsoft Teams platformasında “Qan yaddaşımız” adlı onlayn tədbir keçirildi. Məktəb rəhbərliyinin iştirak etdiyi bu tədbir rus dili müəllimi Ziyadova Səringül və 7a sinif şagirdləri tərəfindən təşkil olunmuşdu. İlk öncə Azərbaycan Respublikasının Dövlət Himni səsləndi və şəhidlərin ruhu bir dəqiqəlik sükutla yad edildi. Şagirdlərin hazırladıqları məruzələr, şeir kompazisiyası və viderolik maraqla izlənildi. Məktəbin direktoru Reyhan Ələkbərova Vətən uğrunda canlarını qurban vermiş mərd, igid ogul və qızlarımızın uyuduğu Şəhidlər xiyabanının xalqımız üçün müqəddəs bir and yerinə, milli iradəmizin şanlı-şərəfli bir salnaməsinə çevrildiyini bir daha vurğuladı.
