Bilik günü
Məktəbdə 16 sentyabr 2019-cu il tarixində “Bilik Günü”nə həsr olunan təntənəli açılış mərasimi keçirildi.
Azərbaycan Dövlət Himni səsləndikdən sonra söz məktəbin direktoru Məlahət xanım Əliyevaya verildi. O, çıxışında dövlətimizin, xüsusən Azərbaycan Prezidenti cənab İlham Əliyevin, Vitse – prezident Mehriban xanım Əliyevanın, Təhsil Naziri Ceyhun Bayramovun təhsilə olan qayğı və diqqətindən söz açdı. Məktəbin son illər əldə etdiyi nailiyyətləri diqqətə çatdırdı. “Bilik Günü” munasibəti ilə məktəbin kollektivini, valideyinləri, ilk dəfə məktəbə qədəm qoyan birinciləri təbrik etdi. Onlara uğurlar arzuladı.
Tədbirdə Suraxanı Rayon İcra Hakimiyyətinin nümayəndəsi Nazim müəllim çıxış etdi. Birinci sinif şagirdləri məktəbə, müəllimə aid şeirlər söylədilər. “Bilik Günü”ndə öz ürək sözlərini söyləmək üçün müəllimlərə və valideynlərə də söz verildi. Onlar məktəbdə təhsilə, şagirdlərə olan qayğı və diqqətə görə məktəbin direktoru Məlahət xanım Əliyevaya minnətdarlıqlarını bildirdilər. Birinciləri təbrik etdilər.
“Bilik Günü”nə həsr olunan tədbir ilk zəngin çalınması ilə başa çatdı.
