278 №-li tam orta məktəb

   Məktəbin 4_b sinif şagirdləri Bakı Zooparkına ekskursiya etdilər.

    Məktəbdə “1 dekabr – Ümumdünya QİÇS-lə mübarizə günü” münasibəti ilə “Biz həyatı seçirik” adlı tədbir keçirildi. Tədbirin təşkilində əsas məqsəd şagirdləri QİÇS, eləcə də narkomaniya və digər zərərli vərdişlərin fəsadları barədə məlumatlandırmaq, məktəblilərin təhsilə, elmə, idmana olan marağını artırmaqdan ibarətdir. Tədbirdə şagirdlərə Ümumdünya QİÇS-lə Mübarizə Gününün yaranma tarixi haqqında ətraflı məlumat verildi. Bildirildi ki, 1988-ci ildən başlayaraq hər il dekabrın 1-də Ümumdünya QİÇS-lə Mübarizə Günü kimi qeyd edilir. Həmin tarix dünya ictimaiyyətinin diqqətini qlobal miqyas almış İİV-infeksiyasına qarşı mübarizəyə cəlb etmək məqsədilə təsis olunub.

    Məktəbin psixoloqu Omarova Ruhiyyə çıxışında bəşəriyyətin ən böyük bəlalarından olan narkomaniyanın cəmiyyətin mənəvi və əxlaqi dəyərlərinə, eyni zamanda insanların həyatına, sağlamlığına ciddi təhlükə yaratdığını vurğulayaraq, gəncləri narkotik maddələrdən, o cümlədən digər zərərli vərdişlərdən uzaq tərbiyə etməyin vacibliyini qeyd etdi.

   "Təbiəti qoruyanlar"layihəsi çərçivəsində məktəbin yuxarı sinif şagirdləri təhsil müəssisəsinin həyətyanı ərazisində ağaclar,güllər əkdilər.Biologiya müəllimləri Məmmədova Gülnarə,Hüseynova Rəna şagirdlərə layihə haqqında məlumat verdilər.

        Məktəbin 5_d sinif şagirdləri biologiya müəllimi Gülnarə Nərimanovanın rəhbərliyi altında dərs-ekskursiyaların keçirilməsi üçün Bakı Zooloji Parkında oldular. BŞTİ-nin müvafiq əmrinə əsasən dərs-ekskursiyaların təşkilində məqsəd şagirdləri canlılar aləmi ilə yaxından tanış etmək, onların mövzuları praktik öyrənməsini təmin etmək, dərsə marağını və Azərbaycanın flora və faunası barədə məlumatlılıq səviyyəsini artırmaqdan ibarətdir. Bakı Zooloji Parkında əsasən həyat bilgisi, biologiya və coğrafiya fənləri üzrə dərslər keçirilir. Dərs-ekskursiyalar “Canlılar aləmi”, “Yer təbiətinin müxtəlifliyi”, “Canlıların müxtəlifliyi”, “Heyvanlar və bitkilər”, “Bitki və heyvanların yaşayış mühiti”, “Azərbaycanın bitki və heyvanlar aləmi”, “Canlıların yaşadığı yerlər” və s. mövzular əsasında təşkil olundu. Dərs-ekskursiyanın gedişində dərsə dair tədqiqat sualları qoyularaq müvafiq tapşırıqlar verildi. Ekskursiyalardan sonra şagirdlərə zoopark və oradakı heyvanlar barədə fikir və təəssüratlarını əks etdirən esse yazmaları və ya təqdimat hazırlamaları tapşırıldı.

    7_D sinif şagirdləri və Azərbaycan dili müəllimi Nigar Səttarlının iştirakı ilə nümunəvi dərs keçirildi. “İdi,imiş köməkçi sözlərinin işlənilməsi” mövzusuna həsr olunan dərsdə şagirdlər maraqlı təqdimatlar etdilər. Şagirdlər mövzu ətrafında müzakirə apardılar. Dərs rəhbərlik tərəfindən maraqla qarşılandı.