Məzunlar üçün "Son zəng" çalındı
2024-2025-ci tədris ilinin yekununa uyğun olaraq məktəbdə “Son zəng” tədbiri keçirildi. Tədbirdə Bakı Şəhəri üzrə Təhsil İdarəsinin nümayəndəsi Gülnar xanım,Suraxanı rayonu icra hakimiyyətinin əməkdaşı İxtiyar müəllim, şəhid pilot Murad Məmmədovun anası Mürvət xanım məktəbin müəllim-şagird kollektivi və valideynlər iştirak edirdi. “Son zəng” tədbiri şəhidlərin, Ulu öndər Heydər Əliyevin əziz xatirəsinin bir dəqiqəlik sükutla yad edilməsi və dövlət himninin səsləndirilməsi ilə başladı. Tədbiri giriş sözü ilə açan məktəbin direktoru Sevinc Hüseynova rəhbərlik etdiyi təhsil müəssisəsinin qazandığı uğurlarından söz açdı və məzunlara uğurlar arzuladı. Tədbirdə iştirak edən qonaqlar məzunları təbrik edərək, onlara yeni həyat yollarında uğurlar arzuladılar. Tədris ili ərzində təlim-tərbiyəsi ilə seçilən və buraxılış imtahanlarında yüksək nəticə edilən şagirdlər fəxri fərmanlarla təltif olundular. Tədbir şagirdlərin hazırladıqları “Son zəng” ədəbi-bədii kompozisiya ilə davam etdirildi.
