“Şəhidlər” poemasının “ucadan oxu”su
20 Yanvar – Azərbaycan xalqının tarixinə həm qanlı fəlakət və faciələrlə, həm də hünər və rəşadətlə dolu bir gün kimi daxil oldu. Bu gün o hadisələrdən bizi düz 29 il ayırır.
Bununla əlaqədar yanvar ayının 11-də məktəbin kitabxanasında B.Vahabzadənin “Şəhidlər” poemasının “ucadan oxu”su keçirildi.
Tədbir iştirakçıları öncə 20Yanvar şəhidlərinin ruhunu bir dəqiqəlik sükutla yad etdilər. Sonra poema haqqında danışıldı, əsərdən müəyyən parçalar ucadan oxundu, şəhidlərə həsr edilmiş şeirlər söylənildi. Şəhidlərimizin adı çəkildi və onların həyat hekayələrindən danışıldı. Tədbirin sonunda R.Səməndərin “Əgər mən yaşasaydım ...” hekayəsi əsasında səhnəcik göstərildi.
