Heydər Əliyev Mərkəzinə ekskursiya
2018-ci il noyabr ayında məktəbin 9A, 9C və 9D sinif şagirdləri Heydər Əliyev Mərkəzinə ekskursiyaya getdilər. Məktəbimizin 60 şagirdi bu ekskursiyada böyük həvəslə iştirak etdi. Mərkəz tərəfindən təşkil olunan avtobusla yola düşən şagirdlərə binanın arxitekturası, onun memarı haqqında geniş məlumat verildi. Ulu öndərimizin həyatı, siyasi fəaliyyəti, ona aid olan əşyalar və eksponatlarla tanış oldular. Azərbaycanın tarixini əks etdirən əşyalar, pul vahidləri, milli geyimlər şagirdlərin böyük marağına səbəb oldu. Şagirdlərimiz oradan zəngin təəssüratla qayıtdılar.
