AXC-nin 100 illik yubileyinə həsr olunan “Dəyirmi masa”
02.11.2018-ci il tarixində məktəbdə AXC-nin 100 illik yubileyinə həsr olunan “Dəyirmi masa” təşkil olundu. Məktəbin tarix müəllimləri AXC-nin yaranması, onun xarici və daxili siyasəti, qəbul etdiyi qərarlar haqqında ətraflı söhbət açdılar. O dövrdə fəaliyyət göstərən parlamentin fəaliyyəti, parlament üzvlərinin mühüm qərarların qəbul edilməsində xidmətləri haqqında fikir mübadiləsi etdilər. Tədbirdə yuxarı sinif şagirdləri də iştirak etdilər. Onlar Şərqdə yaranan ilk müstəqil dövlətin iyirmi üç ay yaşamasına baxmayaraq, böyük xidmətlər göstərdiyini, dövlətçiliyimizin əsasını qoyduğunu qeyd etdilər.
Tədbirin sonunda məktəbin direktoru Məlahət xanım Əliyeva çıxış etdi. O, Azərbaycan Respublikasının Prezidenti Cənab İlham Əliyevin 2018-ci ilini “Azərbaycan Xalq Cumhuriyyəti ili” elan edilməsi haqqındakı cərəncamından irəli gələn vəzifələri məktəbimizin kollektivi də layiqincə yerinə yetirdiyini vurğuladı. Tədbirin iştirakçılarına öz minnətdarlığını bildirdi.
