“Yurdumuza bahar gəlir” adlı ədəbi-bədii kompozisiya
Məktəbimizin akt zalında 16.03.2017-ci il tarixində Novruz bayramına həsr olunan “Yurdumuza bahar gəlir” adlı ədəbi-bədii kompozisiya təqdim olundu. Məktəbimizin şagirdləri bahar bayramına aid şeirlər söylədilər, mahnılar ifa etdilər. Tədbirdə xalqımızın qədim adət - ənənələri əyanı şəkildə canlandırıldı. Kosa və Keçəlin məzhəkəsi, bahar qızının səhnəyə gəlişi ən maraqlı səhnələr idi.Bayram şənliyi başa çatdıqdan sonra məktəbimizin direktoru Məlahət xanım Əliyeva çıxış edərək novruz adət - ənənələrindən söz açdı. Belə gözəl təqdimata görə musiqi müəllimi Seyran müəllimə, Cəvahir müəlliməyə və iştirak edən şagirdlərə öz təşəkkürünü bildirdi.
