Tarix yazan dahi şəxsiyyət-Ulu öndər Heydər Əliyev daima qəlbimizdədir
Məktəbdə Ulu öndər Heydər Əliyevə həsr olunmuş silsilə tədbirlər təşkil olundu. Məktəbin Azərbaycan dili və ədəbiyyat müəllimi Günay Pirizadənin rəhbərliyi ilə 6_a sinif şagirdlərinin hazırladıqları Anım tədbirində Azərbaycan Respublikasının Dövlət Himni səsləndirildi, Ümummilli Liderin əziz xatirəsi bir dəqiqəlik sükutla yad olundu. Tədbirdə Heydər Əliyevin nəsillərə nümunə olan həyat və fəaliyyətindən, onun xalq və ölkə qarşısındakı əvəzsiz xidmətlərindən, yürütdüyü uzaqgörən siyasətindən bəhs edildi. Dahi Liderin diqqət və qayğısı sayəsində digər sahələr kimi, təhsil sahəsində də böyük nailiyyətlərin əldə olunduğu vurğulandı. Tədbirdə çıxış edən məktəbin direktoru Sevinc Hüseynova Heydər Əliyevin siyasi xəttinin bu gün Prezident İlham Əliyev tərəfindən uğurla davam etdirildiyi, Azərbaycanın dövlət quruculuğu yolunda inamla irəlilədiyi, ərazi bütövlüyümüzün və suverenliyimizin təmin olunduğu şagirdlərin diqqətinə çatdırdı. Şagirdlərin təqdimatında səhnəciklər,şeirlər nümayiş olundu. Həmçinin Heydər Əliyevin həyat və fəaliyyətinə dair videoçarxlar təqdim olundu.
