“Ekologiya və Sağlamlıq” istiqamətində “Çərşənbə iməcliyi”
Məktəbdə “Təhsili Dəyərə çevirək” devizi altında “Ekologiya və Sağlamlıq” istiqamətində “Çərşənbə iməcliyi” keçirildi. Fevral ayının 28-də - od çərşənbəsində keçirilən iməclikdə məktəbimizin 8-ci sinif şagirdləri, sinif rəhbərləri iştirak etdi. Şagirdlər məktəbin ətrafında təmizlik işləri apardılar. Baharın gəlişini xoş əhval-ruhiyyə ilə qarşılayan şagirdlərə təbiətin oyanışı zamanı saflıq, təmizlik və dürüstlük kimi mənəvi keyfiyyətlər də aşılanır. Onlar milli dəyərlərə hörmət ruhunda tərbiyə olunurlar.
