İlk Pedaqoji şura iclası təşkil olundu
04.09.2024-cü il tarixdə məktəbdə 2024-2025-ci tədris ilinin başlanması ilə əlaqədar olaraq ilk Pedaqoji şura iclası təşkil olundu. İclasda məktəbin direktoru Sevinc Hüseynova pedaqoji heyəti salamladı və ardınca 2023-2024– cü tədris ilində görülmüş işlər və qarşıda duran məsələlər, habelə Elm və Təhsil Nazirliyinin və BŞTİ-nin müvafiq təlimat və tövsiyələri haqqında müəllimləri məlumatlandırdı. Daha sonra sədr və katibin seçilməsi səsə qoyularaq yekdilliklə qəbul edildi.
Təlim- tərbiyə işləri üzrə direktor müavinləri Allahverdiyeva Gülnaz və Adnayeva Günay çıxış edərək müəllimlərin dərs yükü və dərs cədvəlinin təsdiqi, fənlər üzrə MB rəhbərlərinin təsdiqi, X siniflərinin komplektləşdirilməsi haqqında ətraflı məlumat verdi. Məktəbin Məktəbdənkənar və sinifdənxaric tərbiyə işi üzrə təşkilatçısı Vəfa Sarıyeva məzunların nəticələri barədə,məktəbli formaları haqqında məlumat verdi.
İclasın gedişatında aşağıdakı məsələlər müzakirə olundu:
1. IV və VI sinifləri üzrə keçirilən monitorinqin nəticələrinin müzakirəsi;
2. Proqramların təsdiqi;
3. Təşkilat saatlarının planının hazırlanması;
4. İcmalların və gündəliklərin hazırlanması;
5. Dərsliklərin paylanması və şagirdlərin dərsliklərlə tam təmin olunması;
6 . Formativ jurnalların hazırlanması;
7. Şagirdlərin dərsə davamiyyətinə ciddi yanaşılması;
8. Elektron jurnala keçid baradə məlumat;
9. Sinif rəhbərlərinin valideyn iclasların təşkil edilməsi və digər bu kimi məsələlər
Sonda müəllimləri maraqlandıran suallar cavablandırıldı.
