Ailəm və məktəbim layihəsi çərçivəsində valideynlərlə görüş
Məktəbdə "Ailəm və məktəbim" layihəsi çərçivəsində "Açıq qapı günü" keçirildi. Ailə-məktəb münasibətlərinin səmərəli təşkili, böyüməkdə olan gənc nəslin əxlaqi şüurunun formalaşmasında, uşağın cəmiyyətdəki rolunu müəyyənləşdirməsində və özünü dərk etməsində, bilik və bacarıqlarını inkişaf etdirilməsində ailə-məktəb münasibətlərinin böyük əhəmiyyəti var. Məktəbin direktoru Məlahət Əliyeva valideynlərin qarşılanma prosesində iştirak edərək onları salamladı. Valideynlər təhsil müəssisəsi ilə yaxından tanış oldular, məktəbin tədris resursları və məktəbdə həyata keçirilən layihələr barədə məlumat aldılar və dərslərdə iştirak etdilər. Daha sonra məktəbin akt zalında müzakirələr keçirildi.
