“Qarabağ Azərbaycandır!-İşğaldan azad olunmuş torpaqlarımız” adlı bilik yarışı
13.10. 2022-ci il tarixində Suraxanı rayon Gənclər Evində Suraxanı Rayon İcra Hakimiyyətinin, Suraxanı rayon Gənclər və İdman İdarəsinin və “Suraxanı Gənclər Evi” SXM-nin birgə təşkilatçılığı ilə rayon tam orta məktəblərinin VIII sinif şagirdləri arasında 27 sentyabr – “Anım Günü”nə həsr olunmuş “Qarabağ Azərbaycandır”-İşğaldan azad olunmuş torpaqlarımız” adlı bilik yarışının yarımfinal və final mərhələsi keçirilmişdir.
Yarışda 9 məktəbin komandası və ümumilikdə 45 şagird iştirak etmişdir. Gərgin və maraqlı keçən yarışın yarımfinalına 279, 104, 196 və 278 nömrəli məktəblər vəsiqə qazanmışdılar. Final oyunun sonunda P.İsmayılov adına 278 nömrəli tam orta məktəbi təmsil edən "Xarıbülbül" komandası III yerə layiq görülmüşdür. Məktəbin direktoru Məlahət Əliyeva şagirdləri ürəkdən təbrik edərək, gələcək fəaliyyətlərində uğurlar arzulamışdır.
