“Yaradıcı müəllim” müsabiqəsinin qalibləri
Bakı Şəhəri üzrə Təhsil İdarəsi (BŞTİ) tərəfindən keçirilmiş “Yaradıcı müəllim” mövzusunda təqdimat müsabiqəsinin qalibləri mükafatlandırılıb.
Müsabiqənin məqsədi və əhəmiyyəti “Yaradıcı müəllim” mövzusunda təqdimat müsabiqəsinə təqdim etdikləri yenilikləri ilə seçilən müəllimlərin dəyişən, yenilənən dünyamızın, cəmiyyətimizin quruculuğunun fəal iştirakçılarından olduqlarını diqqətə çatdırmaq olmuşdur.
Məktəbimizin ibtidai sinif müəllimi Laminə Əmirzadə “Yaradıcı müəllim” müsabiqəsinin qaliblərindən biri olmuşdur. O, BŞTİ tərəfindən "Təşəkkürnamə" ilə mükafatlandırılmışdır. Məktəbin müəllim kollektivi adından Laminə müəlliməni təbrik edir, ona uğurlar arzu edirik!
