"Xocalıya qayıdırıq" adlı ədəbi-bədii kompozisiya
Fevralın 24-də Bakı şəhəri üzrə Təhsil İdarəsinin 14.02.2022-ci il tarixli, f-63 nömrəli əmrinin icrası və məktəbin Fəaliyyət planına uyğun olaraq "Xocalı faciəsi"nin otuzuncu ildönümünə həsr olunan "Xocalıya qayıdırıq" adlı ədəbi bədii kompozisiya təşkil edildi. Tədbirdə məktəb rəhbərliyi,müəllimlər,şagirdlər iştirak edirdi. Azərbaycanın Dövlət Himni səsləndirildikdən sonra faciə qurbanlarının əziz xatirəsi bir dəqiqəlik sükutla yad edildi. Daha sonra şagirdlər faciənin bütün dərinliklərini özündə əks etdirən şeirlər səsləndirdilər. 9"A" sinif şagirdi Ələkbərov Yusifin ifasında "Talandı torpağımız" və "Xudayar təsnifi" dinlənildi. Şagirdlərimiz göz yaşları ilə səsləndirdikləri şeirləri,yaşayaraq yaratdıqları səhnəcikləri tədbir iştirakçılarında dərin hisslər oyatdı. Tədbir gənc nəslə Azərbaycan tarixi haqqında həqiqətləri çatdırmaq, tarixi hadisələrə düzgün rəy vermək bacarığı formalaşdırmaq, onlarda vətənpərvərlik ruhunu yüksəltmək milli qürur, milli iftixar hissini aşılamaq məqsədilə keçirildi.
