"Xalqa bağışlana ömür" mövzusunda inşa yazı müsabiqəsi
Məktəbimizdə “Heydər Əliyev irsinin öyrənilməsi” istiqamətində humanitar təmayüllü 10 "C" sinfində "Xalqa bağışlana ömür" mövzusunda inşa yazı müsabiqəsi keçirildi. Azərbaycan dili və ədəbiyyat müəllimi Ofelya Həsənova Heydər Əliyevin həyat və fəaliyyəti haqqında məlumat verdikdən sonra şagirdlər Dahi lider haqqındakı düşüncələrini dəftərlərə köçürdülər. Qeyd edək ki, “Heydər Əliyev irsinin öyrənilməsi” mövzusunda dərslərin təşkilində əsas məqsəd Ulu Öndərin dövlətçilik siyasəti və azərbaycançılıq məfkurəsinin öyrənilməsi, onun zəngin irsinin tədqiqi və təbliği, şagirdlərin müvafiq biliklərinin zənginləşdirilməsi, ölkəmizin dövlət quruculuğu prosesində Ümummilli liderin rolunun və xidmətlərinin gənc nəslə çatdırılmasından ibarətdir.
