Məktəbdə "Zəfər günü" qeyd edilib
Noyabrın 5-də məktəbdə Zəfər gününə həsr olunmuş tədbir keçirilib. Tədbirdə məktəb rəhbərliyi,müəllimlər,şagirdlər iştirak ediblər.Tədbir Azərbaycan Dövlət himninin sədaları altında başlayıb. Zəfərə gedən yolda canlarını qurban vermiş şəhidlərimizin əziz xatirəsini bir dəqiqəlik sükutla yad edildi. Məktəbin direktoru Məlahət xanım Əliyeva "Ali Baş Komandanın qətiyyətinin nəticəsində, müasir hərbi biliklərə,döyüş bacarıqlarına sahib, qəhrəman Azərbaycan əsgər və zabitləri qızıl hərflərlə yeni tarix yazdılar " söylədi. O, həmçinin 8 Noyabr-Zəfər Gününün tarixi əhəmiyyətindən, 44 günlük müharibə dövründə Ali Baş Komandan cənab İlham Əliyevin rəhbərliyi altında Azərbaycan əsgərinin əldə etdiyi şanlı qələbədən danışıb. O qeyd edib ki, bu gün Azərbaycan xalqının dəmir yumruq kimi bir olmasının nəticəsidir ki, Azərbaycanın Ali Baş Komandanı həmin dəmir yumruğu hədəfli olaraq düşmənin başına zərbə kimi endirib. Qürurlu və güclü xalqımız Ali Baş Komandan, Prezident İlham Əliyevin ətrafında bundan sonra da sıx birləşərək Yenilməz Azərbaycan Sərkərdəsi ilə birgə yeni, şanlı tariximizin yazılmasını davamlı edərək, daha böyük Azərbaycan uğrunda mübarizliyini əzmlə davam etdirəcəkdir. Sonra şagirdlər “Zəfər gününə” həsr olunmuş vətənpərvərlik mövzusunda, qələbə əhval-ruhiyyəli şerlər, mahnılar söyləyiblər.
