Zəfər gününə həsr olunmuş tədbir
Azərbaycan Respublikası təhsil nazirinin 2021-ci il 7 sentyabr tarixli F-429 nömrəli əmri ilə təsdiq edilmiş "Zəfər Günü" ilə bağlı "Tədbirlər Planı"nın həyata keçirilməsi məqsədilə məktəbdə "Zəfər bizimlədir!" adlı tədbir təşkil olundu. Tədbir Azərbaycanın Dövlət Himninin səslənməsi ilə başladı. Daha sonra məktəbin direktoru Məlahət xanım Əliyeva çıxış edərək şagirdlərə zəfər tariximiz haqqında məlumat verdi. İbtidai sinif müəllimləri Laminə Əmirzadə və Aytac Əliyevanın təşkilatçılığı ilə keçirilən ədəbi-bədii kompozisiya hamının marağına səbəb oldu. Şagirdlər vətənpərvərliklə bağlı şeirlər, mahnılar səsləndirdilər, rəqslər, video təqdimatlar izləndi. Tədbirdə məktəbin məzun şəhidi Mixail Həmidovun ailə üzvləri, həmçinin şairələr Telli Sənəm, Qumru xanım da iştirak edirdi.
