Şəhid Fərhad Babayevin anım günü
Azərbaycan Ali Baş Komandanımızın uğurlu siyasəti, qətiyyəti, möhkəm iradəsi və müzəffər ordumuzun qəhrəmanlığı nəticəsində Vətən müharibəsindən üzüağ, başıuca çıxdı. Bu yolda canlarını qurban verən Vətən övladları şəhidlik zirvəsinə ucaldı.
Canlarını Azərbaycanın ərazi bütövlüyü yolunda qurban vermiş Vətən müharibəsi şəhidlərindən məktəbimizin məzunu Fərhad Babayevin şəhadətə ucalmasından bir il ötür. O, müharibədə göstərdiyi şücaətinə görə "Vətən uğrunda" medalı ilə təltif olunmuşdur.
Şəhidin anım günü münasibətlə məktəbin 7 D sinif şagirdləri müəllimlər Gülşən Namazova və Məşuqə Bağırovanın təşkilatçılığı ilə tədbir hazırladılar. Şagirdlər şəhidlərə həsr olunmuş şeirlər səsləndirdilər. Məktəbin direktoru Məlahət xanım Əliyeva çıxış edərək 44 günlük Vətən müharibəsində rəşadətli ordumuzun Müzəffər Ali Baş Komandanın rəhbərliyi ilə tarix yazdığını söylədi. O daima şəhidləri qürurla yad etdiyimizi və bunun mənəvi borcumuz olduğunu vurğuladı. Allah bütün şəhidlərə rəhmət eləsin.
