"Müstəqilliyin bərpası günü"nə həsr olunmuş "Dəyirmi masa"
Oktyabr ayının 15-də məktəbdə Azərbaycan dili müəllimləri Leyla Cəfərova və Mehriban Kosayevanın təşkilatçılığı ilə şagirdlərin təqdimatında Azərbaycan Respublikasının Müstəqilliyinin bərpasının 30-cu ildönümünə həsr olunan “Dəyirmi masa” keçirildi. Tədbirdə məktəb kollektivi və şagirdlər iştirak edirdi. Şagirdlər vətənimizin müstəqilliyinə dair şeirlər söyləyib, təqdimatlar hazırladılar. Tədbir gedişatında 9 “A” sinif şagirdi Yusif Ələkbərov “Yaşa Azərbaycan” mahnısını ifa etdi.
Tədbirin sonunda məktəbimizin Azərbaycan dili və ədəbiyyat müəllimi Şahpəri Məmmədova Azərbaycan Respublikasının Müstəqilliyinin bərpası günü haqqında, Vətənimizin suverenliyi, ölkəmizin ərazi bütövlüyü, dövlət başçımızın qabaqçıl, uzaqgörən siyasəti haqqında çıxış etdi.
