"Yay məktəbi" çərçivəsində şagirdlər şahmat oynadılar, müxtəlif rəsmlər çəkdilər
Artıq bir neçə gündür ki, məktəbimizdə "Yay məktəbi" fəaliyyətə başlayıb. Şagirdlər böyük maraqla "Yay məktəbi"nə gəlirlər. Məktəbin riyaziyyat müəllimi Sevinc Ələkbərova 6-cı sinif şagirdləri ilə birlikdə məktəbimizin həyətyanı sahəsində maraqlı gün keçirdilər. Onlar şahmat oynadılar, müxtəlif rəsmlər çəkdilər. Qeyd edək ki, “Yay məktəbi”nin təşkil edilməsində əsas məqsəd şagirdlərin zəruri bilik və bacarıqlarının möhkəmləndirilməsi, öyrənilənlərin ümumiləşdirilməsi və şagirdlərin hərtərəfli inkişafına əlavə töhfə verilməsindən ibarətdir.
