31 mart - Azərbaycanlıların soyqırımı günü
Məktəbimizdə əyani dərslər 31 mart soyqırımı qurbanlarının əziz xatirəsinin yad edilməsinə həsr olundu. 1918-ci ildə erməni silahlı qüvvələrinin törətdikləri qırğın nəticəsində qətlə yetirilmiş və itkin düşmüş azərbaycanlılar dərin hörmət və ehtiramla anıldı. Şagirdlər Azərbaycanın tarixində unudulması mümkün olmayan, bütövlükdə xalqın qəlbində dərin iz salaraq onu daim mübarizəyə kökləyən 31 Mart soyqırımının heç zaman yaddaşlardan silinməyəcəyini qeyd etdilər. Daha sonra faciəyə aid video slaydlar nümayiş olundu.
