Əziz Şuşa, sən azadsan!
Əziz Şuşa, sən azadsan, sələflərimizin, şəhidlərimizin ruhu da azaddır! Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev 8 noyabr 2020-ci il tarixində güclü və əzəmətli səsi ilə millətə müqəddəs müjdə verdi: Əziz Şuşa, sən azadsan! Əziz Şuşa, biz qayıtmışıq! Əziz Şuşa, biz səni dirçəldəcəyik! Qarabağ bizimdir! Qarabağ Azərbaycandır!
Bu tarixi qələbənin tədrisdə əks etdirilməsi məqsədilə məktəbin tarix fənn müəllimi Sahilə Məmmədova onlayn dərs keçirdi. Dərsdə şagirdlər Şuşa şəhərinin tarixi, memarlıq abidələri, mədəniyyəti, təbiəti haqqında məlumat verdilər. Müəllim Şuşa haqqında danışarkən:”İşğal olunduğu 28 il ərzində şəhərin hər daşı, hər divarı qan ağlamışdır” dedi. Sonda Şuşa şəhərinə həsr olunan videoçarx təqdim olundu.
