Şəhid baş leytenant Mixail Həmidov
“Azərbaycan xalqının tarixi qələbəsinin tədrisdə əks etdirilməsi haqqında” Fəaliyyət Planına uyğun olaraq “Vətən müharibəsi Şəhidlərinin anım günlərinin keçirilməsi,onların həyat və mübarizə yolunun əks etdirilməsi” mövzusunda 8“A” sinif şagirdləri ilə onlayn təqdimat keçirildi.
44 gün davam edən Vətən Müharibəsində müzəffər Ali Baş Komandanımızın qətiyyətli iradəsi və uzaqgörən siyasəti, yenilməz ordumuzun şücaəti və cəsarəti nəticəsində ölkəmiz Qələbə qazandı. Bu yolda canından, qanından keçən hərbi qulluqçulardan biri də məktəbimizin şagirdi olmuş Həmidov Mixail Hamlet oğludur. “Mixaylo” ləqəbli baş leytenant Mixail 24 oktyabr Füzulinin azad olunması uğrunda gedən döyüşlərdə qəhrəmancasına həlak olmuşdur.
Şəhidin doğum günündə onun əziz xatirəsi məktəb rəhbərliyi, pedaqoji kollektivi və şagirdləri tərəfindən böyük qürur hissi ilə anılır.
Məktəbin müəllimi Şahpəri Məmmədova 8“A” sinif şagirdləri ilə birlikdə Mixailin xatirəsinə videoçarx hazırladılar, şeirlər səsləndirdilər. Onun həyatından və döyüşlərdə iştirakından danışdılar.
Allah bütün Şəhidlərə rəhmət eləsin.
https://m.facebook.com/story.php?story_fbid=1398975920434489&id=100009662826315&sfnsn=mo
Şəhid baş leytenant Həmidov Mixail Hamlet oğlunun doğum günü 6“Ə” sinif şagirdlərinin də diqqətindən kənarda qalmamışdır. Onlar şəhidin ailəsinin yaşadığı binanın önündə, şəhidin şəklinin qarşısına qərənfillər düzdülər. Onun xatirəsini əziz tutaraq “Qarabağ Azərbaycandır”, “Şəhidlər ölməz, Vətən bölünməz” şüarlarını səsləndirdilər.
https://m.facebook.com/story.php?story_fbid=1398995397099208&id=100009662826315&sfnsn=mo
