Vətən müharibəsinə həsr olunmuş onlayn tarix dərsi
Bakı Şəhəri üzrə Təhsil İdarəsinin fəaliyyət planına uyğun olaraq “Azərbaycan Ordusunun Vətən müharibəsində zəfər yürüşü və dünya hərb tarixində açdığı yeni səhifə” mövzusunda onlayn dərslər keçirilir.
Tarix müəllimi Mehriban Məmmədova dərs dediyi siniflərdə Azərbaycan xalqının tarixi qələbəsinin əks etdirilməsi məqsədi ilə keçirdiyi onlayn dərslərdə Azərbaycan Respublikasının Prezidenti Cənab İlham Əliyevin müdrikliyi və böyük sərkərdəlik məharəti sayəsində 44 gün ərzində torpaqlarımızın azad edilməsi barədə şagirdlərə ətraflı məlumatlar verdi.
O, Xalqımızın Ali Baş Komandanımızın qətiyyəti, ordumuzun əzmi sayəsində tariximizin ən parlaq və unudulmaz zəfərlərindən birini yaşamasını, müzəffər Azərbaycan Ordusunun qüdrətini, yenilməz Azərbaycan əsgərinin qəhrəmanlığını şagirdlərin nəzərinə çatdırdı. Müəllim eyni zamanda Vətən üçün döyüşən qəhrəmanların bəzilərinin şəhidlik zirvəsinə ücaldığı, bəzilərinin isə müxtəlif xəsarətlər aldığı haqda şagirdlərə məlumat verdi.
Daha sonra mövzuya əsasən hazırlanan videoçarxa baxıldı.
https://m.facebook.com/story.php?story_fbid=1394837420848339&id=100009662826315&sfnsn=mo
