“İmadəddin Nəsiminin 650 illiyi”nə həsr olunmuş ədəbi-bədii gecə
13 dekabr 2019-cu il tarixində məktəbin akt zalında Suraxanı rayon Yeni Azərbaycan Partiyası və məktəbin birgə hazırladığı dahi mütəfəkkir şairimiz, filosof “İmadəddin Nəsiminin 650 illiyi”nə həsr olunmuş ədəbi-bədii gecə keçirildi. Tədbirdə Suraxanı rayon Yeni Azərbaycan Partiyası Təşkilatının Aparat rəhbəri Salman Əbdülov və digər qonağlar iştirak etdilər. Məktəbin şagirdləri şairin qəzəlləri, şeirlərinə yazılmış mahnı və kompozisiyalarla çıxış etdilər.
Məktəbin direktoru Məlahət xanım Əliyeva çıxış edərək göstərdi ki, istər Ulu Öndər Heydər Əliyevin hakimiyyətdə olduğu illərdə, istərsə də möhtərəm Prezidentimiz Cənab İlham Əliyevin rəhbərlik etdiyi dövrdə görkəmli şairlərimizə, yazıçılarımıza, bəstəkarlarımıza, elm xadimlərimizə yüksək qiymət verilib, yubileyləri keçirilib və onların əməyi dəyərləndirilib. Ölkənin Birinci Vitseprezidenti, Heydər Əliyev Fondunun Prezidenti Mehriban xanım Əliyevanın milli mədəniyyətimizin inkişafında, onun dünya səviyyəsinə yüksəldilməsində xüsusi əməyi olduğunu qeyd etdi. Məktəb rəhbəri ədəbi-bədii kompozisiyada iştirak edən bütün şagirdlərə, tədbiri hazırlayan müəllimlərə və valideyinlərə təşəkkür etdi.
Sonda Suraxanı rayon Yeni Azərbaycan Partiyası Təşkilatının Aparat rəhbəri Salman Əbdülov çıxış etdi.
