"İdman həftəsi" layihəsində qalib gələn şagirdlər mükafatlandırıldı
"İdman həftəsi" layihəsində qalib gələn şagirdlər mükafatlandırıldı
Elm və Təhsil Nazirliyi təhsilalanların sağlamlıqlarının möhkəmləndirilməsi, fiziki inkişafının təmin edilməsi, onlarda müsbət emosiyalarının dayanıqlı olması, idman və bədən tərbiyəsinin inkişafı, bu sahədə kütləviliyin təmin edilməsi istiqamətində davamlı və məqsədyönlü işlər aparır.
Buna müvafiq, şagirdlərin idmana olan marağının artırılması, sağlam həyat tərzinin təbliği məqsədilə “5 mart - Bədən Tərbiyəsi və İdman Günü” ərəfəsində 1 – 7 mart 2024-cü il tarixində ümumtəhsil müəssisələrində idman həftəsinin keçirilir.
Layihə çərçivəsində məktəblilərin iştirakı ilə gündəlik gimnastik hərəkətlər, maarifləndirmə, müsabiqələr, yarışlar, görüşlər, mükafatlandırma və digər tədbirlərin təşkili nəzərdə tutulur. "İdman həftəsi" layihəsinin proqramına uyğun olaraq martın 7-də layihəyə yekun vuruldu. Həftə ərzində keçirilən yarış və müsabiqələrdə qalib gələn və fəal iştirak edən şagirdlər Fəxri fərman və diplomla təltif edildilər.
