Səhər gimnastikası
Gimnastika, insanın fiziki formasının və xoş əhval-ruhiyyəsinin, orqanizmin müqavimət qabilyətinin və gözəl qədd-qamətinin saxlanmasına yönəldilmiş vasitələrdən ən mühümüdür. 5 Mart- Bədən Tərbiyəsi və İdman Günü münasibəti ilə təşkil olunmuş "İdman həftəsi"nə start verildi. Bu münasibətlə ibtidai siniflərdə səhər gimnastikası keçirildi. Səhər gimnastikası fiziki tərbiyə müəllimlərinin köməkliyi ilə keçirildi. Onlar ilk öncə şagirdlərin diqqətinə çatdırdılar ki, gimnastika edərkən sadə, yüngül hərəkətlərdən başlayıb, orqanizmi daha ağır hərəkətlərə hazırlamaq lazımdır.
