267 №-li tam orta məktəb

Son illərdə bir sıra mötəbər idman yarışlarına ev sahibliyi edən ölkəmiz iyulun 21-dən “Bakı 2019”  XV Avropa Gənclər Yay Olimpiya festivalına ev sahibliyi edir.

İyulun 23-ü məktəbimizin kollektivi, Su İdman sarayında keçirilən su idman yarışına tamaşa etdilər, yarışmadan xoş təəssüratlarla ayrıldılar.

İyunun 19-u məktəb-liseydə  Pedaqoji Şura iclası keçirildi. İclası giriş sözü ilə açan məktəbin direktoru Adilə Orucova  məktəbdə görülmüş işlərin hesabatı  mövzusunda geniş məruzə etdi.

İclasda məktəbin illik yekun hesabatı , şagirdlərin sinifdən – sinfə keçirilməsi və buraxılış imtahanında iştirakı, I – IV siniflərdə oxuma – anlama bacarığı, məktəbəhazırlıq qruplarının uşaqları ilə aparılmış işlərin nəticələri, sinif jurnallarının işlənməsi vəziyyəti haqqında məktəbdənkənar və sinifdənxaric işlərin hesabatına dair məsələlər müzakirə edildi və məsələlər ətrafında çıxışlar dinlənildi. Pedaqoji Şura məruzə və çıxışlarla bağlı müvafiq qərarlar qəbul etdi.

İyunun 15-də Bakı Konqres Mərkəzində Gənclər və İdman Nazirliyi, Təhsil Nazirliyi və Azərbaycan Respublikası Gənclər Fondunun birgə təşkilatçılığı ilə “Gələcəyə doğru” adlı məzun gecəsi keçirilib. Tədbirdə Azərbaycan Respublikası Prezidenti Administrasiyasının gənclər siyasəti və idman məsələləri şöbəsinin müdiri Yusuf Məmmədəliyev, Təhsil, Gənclər və İdman nazirliklərinin məsul işçiləri iştirak ediblər. Çoxsaylı məzunların qatıldığı tədbir maraqlı konsert proqramı ilə davam edib.

İyunun 14-ü məktəbimizdə “Son Zəng” tədbiri keçirildi. Tədbiri giriş sözü ilə məktəb-liseyin direktoru Adilə Orucova açıq elan etdi. Dövlət himni səsləndi. Sonra söz Binəqədi rayon İcra Hakimiyyətinin məsul işçisi Hacıbaba Babayevə, Bakı Baş Təhsil İdarəsinin məsul işçisi Rüstəmova Xəyaləyə, valideyn Quliyeva Vəsiləyə, sinif rəhbəri  Nəcəfova Sənubərə  verildi. Daha sonra il boyu müsabiqələrdə yer tutmuş şagirdlər diplomla təltif olundular. On birinci sinif şagirdləri öz təbrik çıxışlarını etdilər. Sonda XI sinif şagirdi I sinif şagirdinə simvolik açarı təqdim etdi. Son zəng çalındı. Tədbir bağlı elan edildi.

2018-2019-cu tədris ilində Bakı Şəhəri üzrə Təhsil İdarəsinin tabeliyindəki ümumi təhsil məktəblərinin IX siniflərini 28 993, XI siniflərini 19 786 nəfər bitirəcək.

Paytaxtda 45 616 nəfər I sinfi, 655 nəfər XII sinfi (əyani-qiyabi tam orta məktəb və qiyabi sinifləri) başa vuracaq. BŞTİ-nin tabeliyində fəaliyyət göstərən xüsusi məktəblərdə isə IX sinfi 399 nəfər bitirəcək.

Cari tədris ilində BŞTİ-nin tabeliyindəki ümumi təhsil məktəblərində 424 118 şagird təhsil alır.

BŞTİ-nin tabeliyindəki ümumi təhsil məktəblərində ümumilikdə, 27 563  müəllim fəaliyyət göstərir.

2018-2019-cu tədris ilində paytaxt üzrə 264 ümumi təhsil məktəbində fəaliyyət göstərən 919 məktəbəhazırlıq qrupunu 23 840 uşaq başa vurub. Növbəti tədris ilində dövlət hesabına fəaliyyət göstərən məktəbəhazırlıq qruplarına cəlb ediləcək uşaqların sayı beşyaşlıların 90 faizini təşkil edəcək.

İyunun 4-nə (saat 10:00) olan məlumata əsasən, 2018-2019-cu tədris ili üçün paytaxtdakı ümumi təhsil müəssisələrinin I sinfinə mektebeqebul.edu.az saytı vasitəsilə 44 875 sorğu yerləşdirilib. Onlardan 41 430-u ümumi təhsil məktəblərini, 3 445-i isə lisey və gimnaziyaları seçib.

Qeyd edək ki, BŞTİ-nin tabeliyində 308 ümumi təhsil məktəbi, 3 xüsusi ümumi orta məktəb və 7 əyani-qiyabi axşam məktəbi olmaqla, cəmi 318 məktəb fəaliyyət göstərir.